Maraqlı

Qarabaşaqdan dadlı şorba – RESEPT

14 May 2019 23:05

5 Şərh Baxış: 9 115

#SAĞLAMLIQ

Qarabaşaq (qreçka)olduqca faydalı məhsuldur. Adətən onu suda bişirib qarnir kimi yeyirlər və ondan çox fərqli bir yeməklər hazırlanmadığına görə çox adam da yemək istəmir. Amma qarabaşaqdan dadlı şorba da hazırlamaq olar. Bu düyü şorbasından daha faydalıdır. Xüsusən uşaqlar, xəstələr, diabetlərin sevimli şorbası olmağa layiqdir.

Milli.Az medicina.az-a istinadən bəlkə də heç vaxt dadmadığınız şorbanın reseptini təqdim edir:

Ərzaqlar:

Toyuq əti - 500 qr
Qarabaşaq - 200 qr
Kartof - 3 ədəd
Soğan -1 ədəd
Kök -1 ədəd
Dəfnə - 2 ədəd
Duz, istiot
Bitki yağı - 2 xörək qaşığı
Şüyüd

Hazırlanması:

İlk olaraq dadlı, ətirli bulyon hazırlamalısız. Qazana 2 litr su alıb, bura sümüklü toyuq əti, bir baş soğan, yarım kök, dənəli istiot, dəfnə atıb qaynadırsız. köpüyünü yığırsız. Daha sonra bulyon süzülür, toyuq ətini sümükdən ayırırsız, kök və soğanı isə ata bilərsiz.

Ayrıca tavada bir soğan doğranılıb, yağda qovrulur. Bura sürtgəcdən keçirilmiş yarım kök əlavə edib, pörtlədilir. Kartof soyulur, kub formasında doğranılır.
Qarabaşaq təmizlənir, soyuq su ilə yuyulub, süzülür, quru tavada yağsız 4-5 dəqiqə qovrulur.

Bulyona sumukdən ayrılmış toyuq, kartof əlavə edilib, 5 dəqiqə bişirilir, daha sonra tavadakı soğanlı kök, qahabaşaq, 10 dəqiqə bişirilir. Sona yaxın duz, istiot səpilir.

Süfrəyə verdikdə üzərinə şüyüd səpilir.

Milli.Az