Türkiyə

7.2 ballıq zəlzələ olacaq, xeyli insan öləcək - Professordan xəbərdarlıq

29 Aprel 2025 11:30

Baxış: 42 265

VTB-də minimal faiz dərəcəsi ilə nağd kredit 9.9%-dən

#TÜRKİYƏ #ZƏLZƏLƏ

İstanbulda gözlənilən böyük zəlzələ ilə bağlı ekspertlər arasında fərqli fikirlər mövcuddur.

Milli.Az xəbər verir ki, 1999-cu ildəki böyük zəlzələdən sonra ekspertlər İstanbulun zəlzələyə hazır olması lazım olduğunu bildirirdilər.

Professor Dr. Naci Görür son 6.2-lik zəlzələnin böyük zəlzələnin yaxınlaşdığını göstərdiyini vurğulayır. Onun fikrincə bu zəlzələ Kumburgaz və Adalar Xətlərini tərpətmiş olacaq və minimum 7.2, maksimum 7.5 böyüklüyündə zəlzələyə səbəb olacaq.

Görür zəlzələnin bu yaxınlarda baş verəcəyini və İstanbulun hazır olmadığına diqqət çəkir. Onun fikrincə İstanbulda "zəlzələyə müqavimətli" şəhərlər yaratmaq üçün ciddi addımlar atılmalıdır. O, həmçinin bu məsələdə yalnız bina stokuna diqqət yetirilməsinin kifayət etmədiyini qeyd edir.

Görür zəlzələ mövzusunda əvvəlcədən tədbir görülməsinin vacibliyini vurğulayıb və izah edib ki, hazırlıqsızlıq və təcrübə əksikliyi itkilərə səbəb olacaq.

Görür, həmçinin Elazığ və Malatya bölgələrindəki zəlzələlər barədə də məlumat verib və bu bölgədəki fayların artıq hərəkət etdiyini, bundan sonra daha böyük zəlzələlərin baş verməsinin mümkün olmadığını qeyd edib. O, İzmir və Tunceli kimi bölgələrdə də zəlzələlərə qarşı ehtiyatlı olmağın vacibliyini bildirib.

İsmayıl
Milli.Az