İdman

"Qalatasaray" 10 nəfər qalan debütantla doğma meydanda bacarmadı

15 Avqust 2026 08:55

Baxış: 1 100

VTB-də minimal faiz dərəcəsi ilə nağd kredit 9.9%-dən

#QALATASARAY #FUTBOL

Türkiyə Superliqasında 2026/2027-ci illər mövsümünün startı verilib.

Milli.Az xəbər verir ki, yeni mövsümün ilk qarşılaşmasında son çempion "Qalatasaray" doğma meydanda Superliqanın debütantı "Çorum"la qarşılaşıb.

"RAMS Park"da keçirilən görüş məhsuldar heç-heçə ilə başa çatıb. Tərəflər 90 dəqiqə ərzində 2:2 hesablı nəticə ilə kifayətləniblər.

Qarşılaşmada ilk qol ikinci hissədə vurulub. 52-ci dəqiqədə Viktor Osimhen "Qalatasaray"ı hesabda önə keçirərək yeni mövsümün ilk qolunun müəllifi olub.

Lakin "Çorum" geri düşdükdən sonra oyunun gedişini dəyişməyi bacarıb. 59-cu dəqiqədə Aleksandros Kiziridis fərqlənərək hesabı bərabərləşdirib.

Qonaqlar bundan cəmi iki dəqiqə sonra yenidən hücuma keçərək üstünlüyü ələ alıblar. 61-ci dəqiqədə Xesus Ramires "Çorum"un ikinci qolunu vuraraq komandasını 2:1 hesabı ilə önə çıxarıb.

Oyunun son dəqiqələrində isə Viktor Osimhen səhnəyə yenidən çıxıb. 90-cı dəqiqədə vurduğu ikinci qolla hücumçu həm dublunu rəsmiləşdirib, həm də qarşılaşmanın yekun nəticəsini müəyyənləşdirib - 2:2.

Beləliklə, Türkiyə Superliqasının 2026/2027-ci illər mövsümünün açılış matçında komandalar hərəyə bir xal qazanıb.

Müəllif: Tural Hüseyn (Milli.Az redaktor)