Maraqlı

Bir şəxsin uzun müddət qəza namazları qalıbsa...

12 Fevral 2019 23:20
2 Şərh     Baxış: 1 778
VTB-də minimal faiz dərəcəsi ilə nağd kredit 9.9%-dən
#DİN

Bir şəxsin uzun müddət qəza namazları qalıbsa, onları hansı ardıcıllıqla qılmalıdır?

Qəza namazlarını hansı ardıcıllıqla qılmaq barədə həm keçmiş, həm də müasir müctəhidlərin fətvalarında bəzi fərqlər vardır. Bəzi fətvalara görə, qəza namazları günlər üzrə ardıcıllıqla qılınmalıdır. Yəni əvvəlcə ən keçmiş günün qəzaları qılınıb qurtarmalı, bundan sonra o biri (sonrakı) günün qəzalarına keçilməlidir. Bəzi alimlər bir günün namazlarını qəza edərkən, ardıcıllığı qorumağı məsləhət bilirlər, yəni əvvəlcə sübh, sonra zöhr və əsr, daha sonra məğrib və işa namazları qəza edilsin. Bəzi alimlər isə ardıcıllığa riayət etməyi lazım bilmirlər. Bu məsələdə ya təqlid edilən müctəhidin fətvası əsas tutulmalı, ya da ehtiyata uyğun olaraq, günlər və namazlar arasında ardıcıllıq qorunmalıdır.

Milli.Az islam.az-a istinadən bildirir ki, lakin hər bir halda əsas şərt budur ki, əda halında ardıcıllığı qorunmalı olan namazların qəzasında da ardıcıllıq qorunsun. Yəni əda şəklində əsr namazı zöhr namazından sonra qılınmalıdır, ondan qabaq qılınsa batildir. Eləcə də, məğrib namazı işa namazından qabaq qılınmalıdır. Bu namazların qəzasını da yerinə yetirərkən, eyni qayda gözlənməlidir. Bir günün həm zöhr, həm də əsr namazları qəzaya getmişsə, əvvəlcə zöhr, sonra əsr namazı qəza edilməlidir. Məğrib və işa namazlarında da bu qaydaya riayət olunmalıdır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.