Maraqlı

Əldən-ələ keçən hər şey yavaş-yavaş əriyər...

6 Dekabr 2018 21:55
9 Şərh     Baxış: 2 034
VTB-də minimal faiz dərəcəsi ilə nağd kredit 9.9%-dən
#DÜNYADA

Bir gün Rza Şah əsgərlərlə görüşü zamanı onların halı, maddi və mənəvi vəziyyətləri ilə maraqlanandan sonra suallarının olub-olmadıqlarını soruşur.

Milli.Az islam.az-a istinadən bildirir ki, susmağa üstünlük verən digər əsgərlərdən fərqli olaraq, yalnız bir nəfər risk edib vəziyyətin acınacaqlı olmasına işarə edən söz deyir:

"Şah sağ olsun! Bizə göstərdiyiniz yüksək qayğıya görə, sizə hədsiz təşəkkürümüzü bildiririk. Bizləri çox sevdiyinizi də bilirik! Və onu da bilirik ki, siz, biz əsgərlər üçün kifayət qədər vəsait ayırırsınız, baxmayaraq ki, bizə ayırdığınız vəsaitin az bir qismi gəlib əlimizə çatır".

Şah sıra ilə düzülmüş əsgərlərə yaxınlaşır və əyilərək yerdən qar topası götürür. Sonra qar topasını birincə əsgərə uzadaraq sıra ilə o biri əsgərlərə ötürməyi tapşırır. Əlin istisindən əriyən qar əldən-ələ keçrərək sonuncu əsgərə kiçik qar topacığı halında çatır.

Bundan sonra şah əsgərlərə səslənir:

"Əsgərlərim, mən sizə yüksək qayğı göstərməyə çalışıram, amma təəssüflər olsun  bu təbiətin qanunudur: əldən-ələ keçən hər şey yavaş-yavaş əriyər".

Bu hadisənin həqiqətən də baş verib-vermədiyini dəqiq bilməsək də, deyə bilərik ki, Rza Şah əsgərin sualından məharətlə yayınıb. Lakin bu cür hazırcavablığı da şaha sonda xalqın qəzəbindən qurtulmağa yardım etmədi. Şah İrandan qovuldu. Təbiət qanunları da onun yardımına artıq çata bilmədi...

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.