Maraqlı

Skype yeni sistemə keçdi

21 Avqust 2018 21:33
0 Şərh     Baxış: 2 489
VTB-də minimal faiz dərəcəsi ilə nağd kredit 9.9%-dən
#SKYPE TECHNOLOGİES

"Skype" videomessenceri "end-to-end" şifrələmə sistemini tətbiq edib. Məxfi ünsiyyətə başlamaq üçün müvafiq istifadəçinin profilini açmaq və "New Private Conversation" seçmək lazımdır. Həmsöhbət göndərilmiş dəvəti qəbul etdikdən sonra, bütün mətn mesajları, fayllar, audioyazılar, səsli və videozənglər şifrələnir.

Milli.Az AZƏRTAC-a istinadən bildirir ki, bu həftədən başlayaraq yeni funksiya "iOS", "Android", "Linux", "macOS" və "Windows" sistemlərində əlyetərlidir. Lakin bəzi məhdudiyyətlər də var: istifadəçilər bir qurğuda yalnız bir "şifrələnmiş" söhbətdə iştirak edə bilərlər. Məsələn, istifadəçi smartfondan kompüterə keçmək istədikdə, göndərilmiş və qəbul edilmiş bütün məlumatlar məxfi ünsiyyət aparılmış qurğuda yadda saxlanılacaq.

"End-to-end" şifrələməsi rabitənin müdafiəsi üçün ən təhlükəsiz üsullardan biri hesab edilir. "Skype" sisteminin təhlükəsizlik sistemi "Signal" protokolunun köməyi ilə unikal təhlükəsizlik açarlarının generasiyasına əsaslanır. Açarların orijinallığı istifadəçi tərəfindən yoxlanılır ki, bu da mesajların üçüncü şəxslər tərəfindən ələ keçirilməsini qeyri-mümkün edir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.