Maraqlı

Samux sakinindən qeyri-adi ixtira - VİDEO - FOTO

10 Yanvar 2017 14:30

2 Şərh Baxış: 3 206

VTB-də minimal faiz dərəcəsi ilə nağd kredit 9.9%-dən

#MARAQLI #BÖLGƏ XƏBƏRLƏRİ #İXTİRA

Samux rayonu Qarayeri qəsəbə sakini Elşən Hacıyev müxtəlif texnikalara aid detalları birləşdirərək qeyri-adi bir təsərrüfat maşını düzəldib.

ARB 24 xəbər verir ki, istər təsərrüfat, istərsə də ev və məişət işlərində ən yaxın köməkçisi olan bu maşına qəhrəmanımız Elşən "tır-tır" adı verib.

Maşının mühərriki "Honda", sürət qutusu və arxa oxu "Jiquli", təkərləri "Qaz 24", oturacaqlar "Raf", qabaq təkəri isə "Muravey" motosikletinindir.

Elşən Hacıyev - usta: "Generator mühərriki, traktorun "dinamo"sunu və 220 volt generator alıb maşını yığdım. "Jiquli" sürət qutusudur. 500 - 600 kq yük qaldırır. Hər yeri də işləyir".

Bu texnika avtomobilin gedə bilməyəcəyi yerə gedə bilir. Hətta şumda da batmır.

Elşən Hacıyev: "Məhləmizdə qum daşıyıram, müştəri düşür, gedirəm yükünü daşıyıram".

Görənlərin marağına səbəb olan traktor yanacaq sərfiyyatı baxımından da olduqca qənaətcildir.

Elşən Hacıyev: "100 km-ə 3 litr yarım, 4 litr yandırır. Neçə nəfər sifariş verib, gələcəkdə yenə hazırlayacam. Yeni hazırlayacağım 4 çarxlı olacaq".

Ustanın bu texnikanı hazırlamasında ona övladı da köməklik edib.

Elvin Hacıyev - ustanın oğlu: "Mən də istəyirəm, gələcəkdə atam kimi texnika hazırlayım. Bu maşını hazırlayanda bütün işlərində atama kömək etmişəm".

Usta avtomobilinə bənd etdiyi generatoru işə salaraq evin işıqlanmasını və televizorun işləməsini təmin edir.

Dünyada baş verən iqtisadi böhranın hökm etdiyi zəmanədə belə bir texnikaların ərsəyə gətirilməsi qənaət baxımından böhrandan mübarizə üsullarından biri ola bilər.

Videonu izləmək üçün şəklə klikləyin: