Maraqlı

"Kölgə"dəki milyarder "işığa" çıxır - FOTO

25 Aprel 2011 17:18

Baxış: 222

VTB-də minimal faiz dərəcəsi ilə nağd kredit 9.9%-dən

#MİCROSOFT CORP

Milli.Az xəbər portalı "Financial Times"ə istinadən bildirir ki, dünyanın ən böyük proqram təminatı istehsalçısı "Microsoft" korporasiyasının banilərindən biri Pol Allen həyat tərzinə dəyişikliklər edib. İllərdən bəri şəriki Bill Geytsin kölgəsində qalan və jurnalistlərə heç bir açıqlama verməyən Allen indi ABŞ-ın Portlend Treyl şəhərində jurnalistlərdən çəkinmədən əylənib, dincəlib və istirahət edib.

Allenin həyatındakı ciddi dəyişikliklər onun "Vanity Fair" jurnalına müsahibə verməsi ilə başlayıb. Bu müsahibədə Allen 1975-ci ildə "Microsoft"u birgə təsis etdiyi Bill Geytsi sərt tənqid edib.

"Bill əməkdaşlarını daim aşağılayan, təhqir edən çox sərt menecerdir. Onun kütləvi informasiya vasitələrində ciddi-cəhdlə yaratdığı obrazın həqiqətlə heç bir əlaqəsi yoxdur. 1982-ci ildə xərçəng xəstəliyindən əziyyət çəkəndə isə Geyts məni aldatmağa çalışdı. Belə davranışlar möhkəm dostluğumuza tədriccən son qoydu və axırda da yollarımızı ayırdıq", - Allen söyləyib.

Bill Geyts indi dünyanın ən varlı adamı, Allen isə 8 milyardlıq sərvətlə "Forbes"in reytinqində 57-cidir. Buna rəğmən, Allen əyləncə, dəbdəbə və istirahətə milyonlar xərcləyir.
Onun Fransanın Kap Ferrat səmtində, Londonun "Holland Park"ında və Nyu-Yorkda dəbdəbəli villaları var.

Əsas yaşayış yeri olan Sietl şəhərindəki malikanəsində Allenin incəsənət əsərləri və idman avtomobilləri, habelə II Dünya Müharibəsi illərindəki təyyarələr kolleksiyası var.

Onun "Octopus" yaxtası isə əslində nəhəng gəmidir.
Bu yaxtanın saxlanmasına Allen ildə 16 milyon dollar xərcləyir.

Gitara çalmağı çox sevən Allenin qonaqları arasında həmişə dünya şou-biznesinin ulduzları da olur.

Milli.Az

Milli.Az - Xəbər Portalı

"Kölgə"dəki milyarder "işığa" çıxır - FOTO

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?