PUL
Dünən Londondakı "The Kensington Palace" sarayında iki milyarder ailə qohum olub. "Hilton" otellər şəbəkəsinin varislərindən biri Nikki Hilton və Ceyms Rotşild-Qoldsmit evləniblər.
Beləcə, ABŞ və Avropanın iki ən varlı sülaləsi arasındakı əlaqələr bir qədər də möhkəmlənib.
Bəylə gəlinin hər ikisinin 31 yaşı var.
Milli.Az bildirir ki, toyda Nikki Hiltonun əynində "Valentino"dan 80 min dollarlıq gəlinlik paltarı, barmağında isə 8 karatlıq brilyant qaşlı, 1,6 milyon dollar dəyərində nişan üzüyü vardı.
1704-cü ildə tikilmiş "The Kensington Palace" sarayının oranjereyasında 320 qonaq vardı. Dünən səhər saatlarından etibarən saraya yaxınlaşmaq çətinləşmişdi. Qonaqların avtomobilləri arasında "Lamborghini"lər daha çoxdu.
Dünyanın ən məşhur qlamur ulduzu Peris Hiltonun bacısı Nikki Hiltonun gəliri 20 milyon dollardır. Bu pulları onun özü dizaynerliklə qazanıb. Nikinin atasının ona nə qədər sərvət verdiyi isə bəlli deyil.
Ceyms Rotşild isə İngiltərənin Suffolk qraflığındakı malikanəsini 38 milyon dollara sataraq Nyu-Yorka, arvadının yanına köçmək niyyətindədir.
Qonaqlar arasında ABŞ-ın sabiq prezidenti Bill Klintonun qızı Çelsi Klinton da vardı.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.png)
.jpg)
.jpg)
.png)
