Dünya

Bir qəpik də ödəmədən 1170 sot torpaq aldı

1 May 2026 15:03
Baxış: 1 770
VTB-də minimal faiz dərəcəsi ilə nağd kredit 9.9%-dən
#MARAQLI

İsveçrədə 24 yaşlı şəxs qanunvericilikdəki boşluqdan istifadə edərək özünü "kral" elan edib və böyük bir ərazini heç bir ödəniş etmədən öz adına keçirib.

Milli.Az Bakupost.az-a istinadla xəbər verir ki, Jonas Lauviner adlı şəxs mülkiyyət sistemində "sahibsiz" kimi qeyd olunan torpaqları araşdıraraq ümumilikdə 117 min kvadratmetrlik ərazini əldə edib. Qanuna əsasən, belə torpaqlar üçün sadəcə rəsmi müraciət kifayət edir.

Onun nəzarətinə keçən ərazilər arasında yaşayış zonalarında istifadə olunan yollar da var. Bu isə yerli sakinlər və bələdiyyələr üçün ciddi problemlər yaradıb. Bildirilir ki, Lauviner həmin yolları istifadə edənlərdən "xidmət haqqı" tələb etməyə başlayıb.

Özünü "kral" kimi təqdim edən şəxs bu prosesi "qan tökmədən aparılan əməliyyat" adlandırıb. O, həmçinin ərazilər üzərində əlavə tikinti və keçid hüquqları üçün də ödəniş tələb edir.

Hadisə ölkədə böyük narazılığa səbəb olub. Yerli rəsmilər bu addımı qanunların sui-istifadəsi kimi qiymətləndirir və oxşar halların qarşısını almaq üçün yeni qaydalar hazırlanır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.