Cəmiyyət

Azərbaycanda mağazalar BAĞLANIR?

1 May 2026 09:25

Baxış: 1 700

VTB-də minimal faiz dərəcəsi ilə nağd kredit 9.9%-dən

Dünya təcrübəsində də ənənəvi ticarət tədricən zəifləyir və yerini getdikcə daha çox onlayn ticarətə verir. Son 10-15 ildə bu tendensiya daha da güclənib. İstehlakçılar artıq onlayn alış-verişə üstünlük verir və bu da mağazaların dövriyyəsinin azalmasına səbəb olur.

Milli.Az xəbər verir ki, bu sözləri Axar.az-a açıqlamasında iqtisadçı Natiq Cəfərli onlayn və ticarət arasında rəqabət məsələsindən danışarkən deyib.

O bildirib ki, bu prosesə qarşı çıxmaq yox, uyğunlaşmaq daha düzgün yanaşmadır:
"Əsas məsələ müştəri məmnuniyyətidir. Əgər vətəndaş onlayn mühitdə daha ucuz və keyfiyyətli məhsul əldə edə bilirsə, bu sahənin inkişafı qaçılmazdır və dəstəklənməlidir.

Həmçinin fiziki mağazaların saxlanılması ciddi xərclər tələb edir. İcarə, kommunal xərclər və digər əməliyyat yükü ənənəvi ticarəti daha baha edir. Bu səbəbdən gələcəkdə bir çox mağazanın ya bağlanması, ya da xidmət və əyləncə mərkəzlərinə çevrilməsi mümkündür. Azərbaycan sahibkarları da bu dəyişikliklərə hazır olmalıdır. Ənənəvi ticarətlə məşğul olanlar onlayn platformalara inteqrasiya etməli, satışlarını internet üzərindən qurmağı bacarmalıdırlar. Bu, həm xərcləri azaldacaq, həm də müştəriyə daha rahat xidmət imkanı yaradacaq".

Ekspert vurğulayıb ki, bəzi sahələrdə fiziki mağazalara ehtiyac qalacaq:

"Məsələn, bəzən geyim və ayaqqabı alışında müştərilər məhsulu sınaqdan keçirmək istəyir. Bu baxımdan butik tipli mağazaların bir qismi fəaliyyətini davam etdirəcək.

Nəticə etibarilə, ənənəvi ticarətçilər fəaliyyətlərini optimallaşdırmalı və rəqəmsal platformalara keçidi sürətləndirməlidir.Əks halda, bazarda rəqabət daha da sərtləşəcək və mağazaların bağlanması halları artacaq. Qeyd edim ki, artıq bir çox sahibkar bu istiqamətdə addımlar atmağa başlayıb".

Milli.Az

Milli.Az - Xəbər Portalı

Azərbaycanda mağazalar BAĞLANIR?

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?