Dünya

İsrail BƏƏ-yə müasir silah sistemləri göndərib

1 May 2026 10:57
Baxış: 279
VTB-də minimal faiz dərəcəsi ilə nağd kredit 9.9%-dən
#IRAN #İSRAİL

İsrail İran raketləri və pilotsuz uçuş aparatlarından müdafiəyə kömək etmək məqsədilə Birləşmiş Ərəb Əmirliklərinə müasir silah sistemləri, o cümlədən Iron Beam lazer kompleksini təcili şəkildə göndərib.

Milli.Az xəbər verir ki, bu barədə "Financial Times" qəzeti mənbələrə istinadən məlumat yayıb.

Bildirilib ki, İsrail həmçinin 20 km məsafədən yaxınlaşan dronları, o cümlədən "Şahed" tipli PUA-ları aşkar edə bilən yüngülləşdirilmiş Spectro müşahidə sistemini də BƏƏ-yə təhvil verib. Sistemlərin istismarı üçün ölkəyə bir neçə onlarla israilli hərbçi də göndərilib.

Məlumata görə, lazer kompleksi və müşahidə sisteminin yerləşdirilməsi 2020-ci ildə imzalanmış Abraham Accords sazişlərindən sonra iki ölkə arasında ilk iri müdafiə əməkdaşlığı nümunələrindən biri hesab olunur.

Qeyd edilib ki, əməkdaşlığa səbəb İranın Tehrana qarşı ABŞ-İsrail birgə əməliyyatı zamanı BƏƏ ərazisini hədəfə alması olub. Ölkə ərazisinə 500-dən çox ballistik raket və 2 000 pilotsuz aparat buraxıldığı, onların böyük hissəsinin hava hücumundan müdafiə sistemləri, o cümlədən İsrail istehsalı vasitələrlə zərərsizləşdirildiyi bildirilib.

Ayxan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.