Dünya

Şimali Koreyanın 57 nüvə silahına malikdir

20 Avqust 2026 19:25

Baxış: 210

VTB-də minimal faiz dərəcəsi ilə nağd kredit 9.9%-dən

#ŞİMALİ KOREYA #DONALD TRAMP

ABŞ prezidenti Donald Tramp avqustun 19-da Şimali Koreyanın nüvə arsenalının sayını təəccüblü dəqiqliklə açıqlayaraq ölkənin "57 nüvə silahına" malik olduğunu bildirib.

"Bu, heç vaxt baş verməməli idi. Mən prezident olsaydım, buna imkan verməzdim", - deyə respublikaçı lider əlavə edib.

Ağ Evdə davam edən tikinti işlərinə baxış keçirərkən Donald Tramp jurnalistlərə bildirib ki, ilin sonunadək Şimali Koreya lideri Kim Çen In ilə görüşəcək.

Bir sıra müşahidəçilərin fikrincə, bu görüş noyabr ayında Çində keçiriləcək APEC (Asiya-Sakit Okean İqtisadi Əməkdaşlıq Təşkilatı) sammiti çərçivəsində baş tuta bilər.

Donald Tramp ilk prezidentlik müddətindən (2017-2021) etibarən Kim Çen Inla xüsusi münasibətlərə malik olması ilə öyünür. Bu münasibətlər ABŞ prezidentinin bazar günü Cənubi Koreya ilə birgə hərbi təlimlərin müddətini qısaltmaq qərarından sonra yenidən gündəmə gəlib. Trampın fikrincə, həmin təlimlər Pxenyana "tamamilə yersiz və düşməncəsinə siqnal" göndərirdi.

Donald Tramp və Kim Çen In Trampın ilk prezidentlik müddətində üç dəfə görüşüblər. Trampdan əvvəl heç bir ABŞ dövlət başçısı Şimali Koreya lideri ilə görüşməmişdi.

Müəllif: Ülkər Vəliyeva (Milli.Az redaktor)