Hadisə

Azərbaycanlı dənizçilərin olduğu gəmiyə hücum edildi

20 Avqust 2026 19:29

Baxış: 272

Qara dənizdə "Primavera Marine" şirkətinə məxsus Komor adaları bayrağı altında üzən "Volgo Balt 226" yük gəmisi dron hücumuna məruz qalıb.

Milli.Az xəbər verir ki, bu barədə "Azərbaycan Dənizçilərinə Dəstək" İctimai Birliyinin sədri İlham Nəsirov sosial şəbəkə hesabında məlumat verib.

Gəmi heyətinin təhlükəsizlikdə olduğunu bildirən İ. Nəsirov xoşagəlməz hadisə zamanı xəsarət alanın olmadığını vurğulayıb:

"Şükürlər olsun ki, itki yoxdur. Gəminin 11 nəfərlik ekipaj üzvündən 1-i Gürcüstan, 10-u isə Azərbaycan dənizçisidir".

Məlumata görə, hücuma məruz qalan yük gəmisi hazırda Türkiyənin Trabzon limanı istiqamətində hərəkətini davam etdirir./

Müəllif: Ülkər Vəliyeva (Milli.Az redaktor)

Milli.Az - Xəbər Portalı

DİGƏR XƏBƏRLƏR