Cəmiyyət

Həyət evlərinin qarşısındakı sahələr kimə məxsusdur?

1 May 2026 16:08
Baxış: 603
VTB-də minimal faiz dərəcəsi ilə nağd kredit 9.9%-dən

Həyət evlərinin qarşısındakı boş sahələri öz mülkiyyəti kimi istifadə edən bəzi vətəndaşlar hüquqi problemlərlə üzləşə bilər. Qapı önündə gül əkmək, hasar çəkmək və ya avtomobil üçün yer ayırmaq yalnız həmin torpaq sahəsi rəsmi şəkildə onların adına sənədləşdirildiyi halda qanuni sayılır.

Milli.Az xəbər verir ki, məsələ ilə bağlı deputat Tahir Rzayev bildirib ki, əgər sözügedən ərazi şəxsin mülkiyyətində deyilsə, orada hər hansı tikinti aparmaq və ya dəyişiklik etmək qadağandır. Bu cür sahələr çox vaxt bələdiyyələrin balansında olur və istifadə üçün əvvəlcədən razılıq alınmalıdır.

Onun sözlərinə görə, yaşıllaşdırma işləri müəyyən hallarda mümkün olsa da, bu da rəsmi şəkildə razılaşdırılmalıdır. Əks halda gələcəkdə torpaqla bağlı problemlər yarana bilər. Avtomobillərin saxlanmasına gəldikdə isə, bunun üçün xüsusi ayrılmış yerlərdən istifadə olunması daha məqsədəuyğundur.

Deputat əlavə edib ki, vətəndaşlar qanunlara əməl etməli və bütün addımlarını hüquqi çərçivədə atmalıdırlar. Bu, həm mübahisələrin qarşısını alır, həm də insanların daha təhlükəsiz və nizamlı şəraitdə yaşamasına imkan yaradır. 

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.