Maraqlı

Psixoloqlara görə telefonda danışarkən gəzməyin əsl səbəbi

14 Avqust 2026 08:08

Baxış: 1 600

VTB-də minimal faiz dərəcəsi ilə nağd kredit 9.9%-dən

#MOBİL TELEFON #PSİXOLOGİYA

Telefon zəng çalanda fərqində olmadan otağın içində fırlanmağa, dəhlizdə o yana-bu yana addımlamağa başlayanlardansınız? Tək deyilsiniz. Bir çox insanın fərqində olmadan sərgilədiyi bu davranış psixoloqlara görə sadə bir vərdişlə məhdudlaşmır. Mütəxəssislər telefon danışığı zamanı ortaya çıxan bu hərəkətliliyin arxasındakı əsas səbəbləri açıqladılar.

Milli.Az xəbər verir ki, ümumi ünsiyyətdə mimikalar, əl-qol hərəkətləri və bədən dili mesajın böyük hissəsini təşkil edir. Lakin telefonla danışarkən qarşı tərəfi görə bilmədiyimiz üçün beyin bu çatışmayan visual işarələri kompensasiya etməyə çalışır. Psixoloqlar ünsiyyət zamanı beynin motor korteksində yığılan jest və mimika etmək istəyinin qarşıda vizual həmsöhbət olmadığı üçün bütün bədənə yayıldığını bildirirlər. Ünsiyyət qurarkən hiss etdiyimiz ifadə etmək istəyi qarşı tərəfə ötürülə bilmədiyi üçün fiziki addımlamaya çevrilir.

Telefon danışıqları - xüsusilə iş danışıqları, mübahisələr və ya həyəcanverici xəbərlər ehtiva etdikdə - bədəndə yüngül adrenalin və zehni gərginlik artımına səbəb olur. Psixoloji araşdırmalara görə gəzmək bu yığılan kinetik enerjinin bayıra atılmasına və emosional balansın qorunmasına kömək edən təbii boşalma mexanizmidir.

Yüngül səviyyədə fiziki fəaliyyətin beynin idrak funksiyalarını dəstəklədiyi hər kəsə məlumdur. Telefonla danışarkən gəzmək qan dövranını sürətləndirərək beyinə gedən oksigen miqdarını artırır. Psixoloqlar hərəkətdə olarkən söz tapmağın, düşüncələri təşkil etməyin və mürəkkəb mövzuları təhlil etməyin oturan insana nisbətən daha asan baş verdiyini qeyd edirlər. Buna görə də gəzmək fərqində olmadan daha təsirli bir ünsiyyət qurmaq üçün zehni aktiv saxlama üsulu kimi önə çıxır.

Müəllif: Ülkər Vəliyeva (Milli.Az redaktor)