Maraqlı

27 milyard dollara yeni şəhər salınır

19 Aprel 2026 14:34
Baxış: 2 422
VTB-də minimal faiz dərəcəsi ilə nağd kredit 9.9%-dən
#TİKİNTİ #MİSİR

Misirin "Talaat Moustafa Group" şirkəti Qahirə yaxınlığında dəyəri 27 milyard dollar olan yeni şəhərin tikinti planını təqdim edib.

Milli.Az xəbər verir ki, "The Spine" (Onurğa) adlanan layihə 2 milyon kvadratmetrdən çox ərazini əhatə edəcək.

Layihə çərçivəsində 165 yaşayış, biznes və kommersiya təyinatlı göydələnin inşası nəzərdə tutulur. Şirkət rəhbəri Hişam Talaat Mustafanın sözlərinə görə, tikintinin dəqiq müddəti hələ müəyyən edilməsə də, layihənin 155 mindən çox iş yeri yaradacağı və hər il on milyonlarla ziyarətçini cəlb edəcəyi gözlənilir.

Bu təşəbbüs Misirdə Fars körfəzi ölkələrinin investisiyaları hesabına maliyyələşən irimiqyaslı layihələrin davamıdır. Bundan əvvəl sözügedən şirkət BƏƏ-nin 35 milyard dollar sərmayə qoyduğu "Ras-əl-Hekma" kurortunun inkişafında da iştirak edib.

Xatırladaq ki, Misir hökuməti hələ 2015-ci ildə Qahirənin yükünü azaltmaq məqsədilə yeni inzibati paytaxtın tikintisi planlarını açıqlamışdı. Proqnozlara görə, 2050-ci ilə qədər Qahirə əhalisinin sayı 18 milyondan 40 milyona çata bilər. Qahirədən 45 km şərqdə, Süveyş istiqamətində inşa edilən yeni şəhərin ölkənin inzibati və maliyyə mərkəzinə çevrilməsi, orada təxminən 7 milyon insanın məskunlaşması planlaşdırılır. /Musavat.com

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.