Maraqlı

Gündə 5 dəqiqə bu musiqiylə oynamaq ürək üçün faydalıdır - FOTO

20 Yanvar 2026 04:04

Baxış: 264

VTB-də minimal faiz dərəcəsi ilə nağd kredit 10.49%-dən

#MARAQLI #SAĞLAMLIQ #MUSİQİ

Çində aparılan araşdırma musiqi ilə ürək sağlamlığı arasındakı əlaqə ilə bağlı diqqətəlayiq məsələ üzə çıxarıb.

Milli.Az xəbər verir ki, alimlər ABBA-nın dünyaca məşhur "Dancing Queen" mahnısına rəqs etməyin ürək sağlamlığına müsbət təsir göstərdiyini müəyyən ediblər.

Çinin Yan'an Universitetində aparılan araşdırmada 160 universitet tələbəsinə müxtəlif templərdə mahnılar ifa edilib. Onların ürək döyüntüləri ölçülüb ki, hansı musiqi növünün ürək sağlamlığına daha müsbət təsir etdiyi müəyyən edilsin.

Araşdırmalar nəticəsində məlum olub ki, İsveç musiqi qrupu ABBA- nın ən məşhur mahnılarından biri olan " Dancing Queen" mahnısına rəqs etmək ürək üçün faydalıdır.

Mütəxəssislər mahnının dəqiqədə təxminən 100 vuruş (100 bpm) ritminə malik olduğunu və bu tempin Maykl Ceksonun "Beat It" və Coldplay -in "Viva La Vida" kimi 140 bpm mahnıları ilə müqayisədə ürək üçün daha uyğun olduğunu vurğulayıblar.

Alimlər çox yavaş templi musiqinin ürək döyüntüsünü kifayət qədər artırmadığını, həddindən artıq sürətli ritmlərin isə məşqdən sonra infarkt riskini artıra biləcəyini bildiriblər. Buna görə də, orta tempi ilə Dancing Queen-in ürək sağlamlığı üçün ideal bir tarazlıq təklif etdiyi qeyd edilib.

Mütəxəssislər aşağı ürək döyüntüsünün infarkt riskini artıra biləcəyini qeyd edir və gündə cəmi 5 dəqiqə Dancing Queen mahnısına rəqs etməyin belə əhəmiyyətli faydalar verə biləcəyini izah edirlər.

Fidan
Milli.Az