Maraqlı

Çinli turistin Vyetnam səfərindən sonrakı çemodanı: İçində nələr var?

13 Yanvar 2026 08:08

Baxış: 1 405

VTB-də minimal faiz dərəcəsi ilə nağd kredit 9.9%-dən

#TƏYYARƏ #HAVA LİMANI

Vyetnam son illər çinli turistlərin ən çox üstünlük verdiyi istirahət məkanlarından birinə çevrilib. Sosial şəbəkələrdə, xüsusilə Çinin məşhur "Xiaohongshu" platformasında paylaşılan fotoşəkillər çinli səyahətçilərin Vyetnamdan qayıdarkən çemodanlarını nələrlə doldurduğunu ortaya qoyub.

Milli.Az xəbər verir ki, şəkillərdən görünür ki, çinli turistlərin baqajında ən böyük yeri Vyetnam qəhvəsi tutur. Xüsusilə aşağıdakı növlər daha populyardır:

Həll olunan (instant) qəhvələr: Praktik olduğu üçün qutu-qutu alınır.

Hindistan qozu qəhvəsi (Coconut Coffee): Bir çox turist bu dadı "Vyetnamın ən yaxşı kəşfi" adlandırır.

Qəhvə dənələri: Keyfiyyətli Vyetnam qəhvə dənələri də çemodanların vazkeçilməzidir.

Təkcə qəhvə deyil, çinli qonaqlar Vyetnamın yerli dadlarına və məhsullarına böyük maraq göstərirlər.

Bəzi turistlər Vyetnam qatıqlarını o qədər bəyənirlər ki, hər gün yediklərini və imkan olsa, özləri ilə aparmaq istədiklərini bildirirlər.

Manqo, duryan və digər ekzotik meyvələrin quruları ən çox alınan qəlyanaltılar sırasındadır.

Xüsusi qutularda satılan Vyetnam çayları hədiyyəlik olaraq seçilir.

Hind qozu/Keşyu ləpəsi: Vyetnamın dünyada məşhur olduğu bu çərəz də turistlərin siyahısındadır.

Çinli turistlərin bu məhsulları seçməsinin bir neçə əsas səbəbi var:

Vyetnamdakı supermarketlərdə qiymətlər Çinlə müqayisədə olduqca ucuzdur.

Vyetnam qəhvəsinin və yerli qəlyanaltılarının özünəməxsus dadı onları cəlb edir.

Çinlilər səfərdən qayıdarkən qohum və dostlarına çoxlu yerli hədiyyələr aparmağı sevirlər.

2025-ci ildə Vyetnama gələn beynəlxalq turistlərin sayında rekord artım müşahidə olunub və çinli turistlər bu artımda ən böyük paya (təxminən 5,3 milyon nəfər) sahibdirlər.

Lalə Qüdrətova
Milli.Az