Maraqlı

Keşişə qəribə QADAĞA: əzələlərini göstərmə... - VİDEO - FOTO

10 Oktyabr 2025 11:01

Baxış: 1 660

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #VİDEO #ITALY #QADAĞA

İtaliyada 32 yaşlı katolik keşiş Alberto Ravaniani sosial mediada idmanla bağlı paylaşımlarına görə kilsə rəhbərliyi tərəfindən xəbərdarlıq alıb və fəaliyyətinə məhdudiyyətlər qoyulub.

Milli.Az xarici mətbuata istinadən xəbər verir ki, gənc ruhani həm dini xidmətini davam etdirir, həm də aktiv şəkildə idmanla məşğuldur. Özünü "idman zalında keşiş" adlandıran Ravaniani hesab edir ki, fiziki məşqlər "bədəni, düşüncəni və ruhu gücləndirir".

O, sosial şəbəkədə izləyicilərinə belə müraciət edib:

"Dostlar, dua etmək kifayət deyil! Müqəddəs olmaqla yanaşı, sağlam qalmaq da vacibdir."

Lakin keşişin idman zalında çəkdirdiyi fotolar və əzələlərini nümayiş etdirdiyi paylaşımlar sosial şəbəkələrdə ziddiyyətli reaksiyalar doğurub. Bəzi istifadəçilər onun bu davranışını tənqid edərək "ata, sizə baxanda günah işlətdim" kimi ironik şərhlər yazıblar.

Sosial mediada yaranan müzakirələrdən sonra Milan arxiyepiskopu Mario Delpini və kilsə rəhbərliyi məsələyə müdaxilə edib. Onlar Ravanianidən ictimai paylaşımlarını məhdudlaşdırmağı və kilsə geyim qaydalarına riayət etməyi tələb ediblər.

Hadisə İtaliyada kilsənin sosial media və müasir ünsiyyət vasitələrinə münasibəti barədə geniş müzakirələrə səbəb olub. Bəzi katoliklər Ravanianinin gənclərlə əlaqə yaratmaq üçün düzgün yanaşma seçdiyini düşünür, digərləri isə bunu kilsə ənənələrinə və dini imicə zərbə kimi qiymətləndirir.

Hüseyn
Milli.Az