Maraqlı

Gözü korlaşdı, beynindən parazit çıxarıldı - Görün nədən yaranıb

2 Sentyabr 2025 23:00

Baxış: 1 838

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI

29 yaşlı Çin sakini Li Çjen beynində parazit aşkarlanandan sonra əməliyyat olunub.

Milli.Az xəbər verir ki, hadisə barədə QQ News məlumat yayıb.

Keçən ilin aprelində o, sol gözündə "mozaika" kimi işıqlı ləkələr görməyə başlayıb. Zamanla görmə sahəsi daralıb, amma ilkin müayinələrdə heç bir xəstəlik tapılmayıb. 2024-cü ilin 31 iyulunda isə Li avtomobil idarə edərkən güclü epileptik tutma keçirib və huşunu itirib.

Yenidən xəstəxanaya aparılan pasiyentin beynində 18 santimetr uzunluğunda spaqranoz paraziti aşkarlanıb. Cərrahlar əməliyyatla onu uğurla çıxarıblar.

Məlum olub ki, Li əvvəllər bir neçə dəfə dağlarda vəhşi ilanlar tutub, onların öd kisəsini çıxararaq çiy halda yeyib. O, bu üsulun sağlamlıq üçün faydalı olduğunu düşünüb, amma orada parazit ola biləcəyindən xəbərsiz olub:

"Mən bunu üç-dörd dəfə etmişəm. Fikirləşirdim ki, ilan ödü sağlamdır, amma parazit ola biləcəyini bilmirdim," - deyə Li etiraf edib.

Həkimlərin sözlərinə görə spaqranoza çiy və ya az bişmiş qida, həmçinin adi sudan yoluxmaq mümkündür. Bu parazit bədəndə hərəkət edərək epilepsiya, baş ağrısı və ümumi halsızlıq yarada bilər.

İsmayıl
Milli.Az