Maraqlı

Dünyanın ən bahalı və ən ucuz şəhərlərinin adları açıqlanıb - FOTOlar

11 Dekabr 2023 02:30
Baxış: 1 336
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Mütəxəssislər Sinqapuru dünyanın yaşamaq üçün ən bahalı şəhəri adlandırıblar.

Milli.Az oxu.az-a istinadən xəbər verir ki, belə məlumatlar "The Economist" jurnalının illik "Worldwide Cost of Living Report" hesabatında təqdim olunub.

Cənub-Şərqi Asiyada yerləşən şəhər-dövlət son 11 ildə doqquzuncu dəfə reytinqə başçılıq edib. Sinqapur İsveçrənin Sürixi ilə liderliyi bölüşüb. İkinci yeri İsveçrənin Cenevrə və ABŞ-nin Nyu-York şəhərləri tutub.

Siyahıda sonrakı yerləri Honq-Konq (Çin), Los-Anceles (ABŞ), Paris (Fransa), Kopenhagen (Danimarka), Təl-Əviv (İsrail) və San-Fransisko (ABŞ) tutur.

Yaşamaq üçün ən ucuz şəhər Argentinanın Buenos-Ayresi ilə sonuncu yerdə olan Hindistanın Çennay şəhərləri olub. Həmçinin, ən ucuz şəhərlər sırasında Laqos (Nigeriya), Əhmədabad (Hindistan), Lusaka (Zambiya), Tunis (Tunis), Daşkənd (Özbəkistan), Kəraçi (Pakistan), Tripoli (Liviya), Tehran (İran), Dəməşq (Suriya) də yer alıb.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.