Maraqlı

"Netflix"də abunə sayı artdı - İllik gəlir 8 milyardı ötdü

29 Oktyabr 2023 16:36

Baxış: 654

#ŞOU-BİZNES #MARAQLI #KİNO #NETFLİX INC #FİLM

ABŞ-nin məşhur onlayn platforması "Netflix" üçüncü rübdə 8,8 milyon yeni abunəçi qazanıb.

Milli.Az metbuat.az-a istinadən xəbər verir ki, bununla da şirkətin dünya üzrə abunəçilərinin sayı illik 10,8 faiz artaraq 247,2 milyon nəfərə çatıb.

"Netflix"in üçüncü rübündə gəliri keçən ilin eyni dövrünə görə yüzdə 7,8 artaraq 8,54 milyard dollara çatıb. Şirkətin gəliri ötən ilin eyni dövründə 7,9 milyard dollar olaraq qeyd edilib.

Şirkətin xalis mənfəəti üçüncü rübdə keçən ilin eyni dövrü ilə müqayisədə 20 faiz artaraq 1,68 milyard dollara çatıb. Keçən ilin üçüncü rübündə "Netflix"in xalis mənfəəti 1,4 milyard dollar olub. Şirkətin bir səhm üzrə mənfəəti həmin dövrdə 3,10 dollardan 3,73 dollara yüksəlib.

Bundan başqa, "Netflix" tərəfindən edilən açıqlamada ABŞ, İngiltərə və Fransada bəzi üzvlük planlarının ödənişlərinin artırıldığı da bildirilib.

ABŞ-də əsas planın qiyməti 9,99 dollardan 11,99 dollara, premium planın qiyməti isə 19,99 dollardan 22,99 dollara qaldırılıb.

Milli.Az