Maraqlı

Evlənməyən kişilərə pis xəbər

25 Fevral 2023 03:31
Baxış: 1 740
VTB-də minimal faiz dərəcəsi ilə nağd kredit 9.9%-dən
#KİŞİ

Heç vaxt evlənməmiş kişilərin ürək çatışmazlığından sonra ölmə ehtimalı daha yüksəkdir.

Milli.Az bildirir ki, bu barədə Amerika Kardiologiya Kolleci məlumat yayıb.

Xroniki ürək çatışmazlığı ürək əzələsi bədəndə qanı səmərəli şəkildə pompalamaq üçün çox zəiflədikdə və ya sərtləşdikdə baş verir. Bu problem ürək-damar xəstəliklərinin və ölümün əsas səbəbidir və hazırda ABŞ-da 6 milyondan çox insanı əhatə edir.

Tədqiqat yaşı 45-84 arasında olan 6800 amerikalı haqqında məlumat əsasında aparılıb. Tədqiqatçılar on illik məlumatlardan istifadə edərək ürək çatışmazlığı olan 94 iştirakçı arasında sağ qalma nisbətlərini müqayisə ediblər. Cins və ailə vəziyyətinə görə bölünmə də daxil olmaqla izləmə müddəti 4,7 il olub.

Müəyyən edilib ki, heç vaxt evlənməmiş kişilərin hər hansı ailə vəziyyətində olan qadınlara nisbətdə diaqnoz qoyulduqdan sonra təxminən beş il ərzində ölmə ehtimalı iki dəfə çoxdur. Ömür boyu subayların evli kişilərə nisbətən ölmə ehtimalı təxminən 2,2 dəfə çox idi, lakin dul, boşanmış və ya ayrılmış kişilərin evli kişilərlə müqayisədə ölüm riski artmayıb. Qadınların ailə vəziyyəti onların ölüm nisbətinə heç bir təsir göstərməyib.

Alimlərin bu nəticələrin heç bir izahı yoxdur. Çox güman ki, subay kişilərin hiss etdiyi təcrid və bunun nəticəsində yaranan stress ölüm hallarına səbəb olur.

İrfan Vəliyev
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.