Maraqlı

Əsrarəngiz təbiət mənzərəsi - donmuş şəlalələr - VİDEO - FOTO

23 Yanvar 2023 23:52
Baxış: 707

Quba rayonundakı Afurca və Suatan şəlalələri donaraq əsrarəngiz təbiət mənzərəsi yaradıb.

Milli.Az AZƏRTAC-a istinadən bildirir ki, Afurca şəlaləsi Quba rayonunun cənubunda yerləşir. O, təbiətin yaratdığı ən gözəl abidələrdən biri hesab olunur. Təxminən 75 metr hündürlükdən axan şəlalə geoloji təbiət abidəsi kimi qeydə alınıb və dövlət tərəfindən mühafizə edilir.

Afurca kəndi rayon mərkəzinin 36 kilometrliyində, dəniz səviyyəsindən 1200 metr hündürlükdə yerləşir. Dağdan tökülən şəlalənin gözəlliyinə tamaşa etmək üçün meşədən keçən 200 metr yolu piyada qət etmək lazımdır.

Afurca şəlaləsi Vəlvələ çayının Təngə dağından axan hissəsidir. Yay aylarında Quba-Afurca istiqamətində səfərə çıxanlar təbiətin bu gözəlliyinə tamaşa etməyi çox sevirlər. Xınalıq, Qəçrəş kəndləri ilə yanaşı, Afurca şəlaləsi də turist sıxlığına görə ilk yerlərdə durur.

El arasında Suatan adı ilə tanınan şəlalə isə Quba rayonunun Künxırt kəndi ərazisində yerləşir. Təxminən 30 metr hündürlükdən axan şəlalə Quba-Qonaqkənd yolunun yaxınlığında, rayon mərkəzidən 35 kilometr aralıdadır.

Afurca və Suatan şəlalələrinin yeni çəkilmiş videogörüntülərini təqdim edirik.

Milli.Az

Məqaləyə dair fotomateriallar:

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics