Maraqlı

Yumurta yeməyin ən FAYDALI YOLU

24 Yanvar 2023 21:01
Baxış: 767

Hindistanlı qidalanma mütəxəssisi Nmami Aqarval maksimum sağlamlıq faydası üçün yumurta yeməyin yolunu açıqlayıb.

Agarvalın sözlərinə görə, yumurta ağı və sarısını birlikdə yemək zülal, yağ və kalorinin düzgün balansını təmin edir.

Üstəlik, qida maddələrinin çoxu sarısında cəmləşir. Onun fikrincə, yumurtaları elə qızartmaq lazımdır ki, sarısı öz formasını saxlasın və ağının üstündə qalsın.

Diyetoloq hesab edir ki, yumurta "yaxşı" xolesterinin və ya yüksək sıxlıqlı lipoproteinin (HDL) səviyyəsini yüksəltməyə kömək edir. Onların yüksək konsentrasiyası ateroskleroz, insult və ürək-damar xəstəlikləri riskini azaldır. Yumurtanın tərkibində A vitamini olduğundan görmə üçün də faydalıdır. Bu vitaminin çatışmazlığı inkişaf etməkdə olan ölkələrdə uşaqlarda korluğun ən çox yayılan səbəbidir.

Gündəlik yumurta istifadəsi qanda zeaksantin (karotinoid qrupunun ümumi piqmentlərindən biri) və luteinin (göz və beyin sağlamlığı üçün miqdarını artırır ki,  bu da makulyar degenerasiyası və kataraktanın inkişaf riskini azaldır.

"Bir yumurtanın tərkibində 125,5 milliqram holin var ki, bu da gündəlik tələbatın dörddə birini təşkil edir. Holin ürək və beyin sağlamlığı üçün yaxşıdır. Yaddaş və əhval-ruhiyyəni tənzimləməyə kömək edir", - diyetoloq qeyd edib.

Yumurta arıqlamaq istəyənlər üçün də faydalıdır. Qidada çoxlu protein var. Bu da daha uzun müddət tox qalmağa kömək edir.

Milli.Az

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics