Maraqlı

Qış aylarında su içməliyikmi?

6 Dekabr 2022 21:45
Baxış: 1 153
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Payız-qış aylarında dəri quruluğunun qarşısını almaq üçün su balansını saxlamaq, şəkərli içkilərdən az istifadə etmək lazımdır.

Bu barədə tibb elmləri namizədi Yekaterina Kaşux "Russian.rt" kanalına müsahibəsində danışıb.

Mütəxəssisin sözlərinə görə, soyuq mövsümdə bədəndə maye balanslı olmalıdır. Bu balans normal maddələr mübadiləsinin yaxşılaşmasına kömək edəcək.

"İnsanlar payız-qış aylarında daha qalın geyindikləri üçün çox tərləyirlər, lakin bəzən onlar bunu hiss etmirlər. Bundan başqa, mərkəzi istilik və qızdırıcı vasitələr havanı qurudur. Bu zaman isə dəri vasitəsilə nəmin buxarlanması artır.

Soyuq mövsümdə orqanizmə lazım olan mayenin miqdarı üçün vahid norma yoxdur. Bu, cinsdən, yaşdan, çəkidən və digər amillərdən asılıdır. Orta hesabla böyüklər gündə iki-üç litr, uşaqlar isə litr yarıma qədər su içməlidir. Şirin və qazlı sulardan istifadə etmək məsləhət görülmür.

Alkoqol da soyuqda bədənin susuz qalmasına səbəb ola bilər. Qəhvəni isə gün ərzində 3 fincandan artıq içmək olmaz", - deyə həkim əlavə edib. /publika.az/

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.