Maraqlı

“Quççi”nin kreativ direktoru vəzifəsini tərk edib

24 Noyabr 2022 08:57
Baxış: 688
VTB-də minimal faiz dərəcəsi ilə nağd kredit 9.9%-dən
#DÜNYADA

Alessandro Mikele "Quççi"nin ("Gucci") kreativ direktoru vəzifəsini tərk edib.

Milli.Az "Report"a istinadən bildirir ki, müvafiq bəyanat noyabrın 23-də brendin sahibi olan Fransanın "Kerinq" ("Kering") şirkətlər qrupunun saytında dərc olunub.

"Quççi" şirkəti bu gün Alessandro Mikelenin "Quççi"nin kreativ direktoru vəzifəsindən getdiyini elan edir. Alessandro Mikele 21 yanvar 2015-ci ildən Evin yaradıcılıq sükanı arxasındadır və Evin məşhur kodekslərinə sadiq qalaraq öz qabaqcıl yaradıcılığı ilə brendin bugünkü halına gəlməsində fundamental rol oynayıb", - bəyanatda deyilib.

Qeyd edək ki, 1962-ci ildə yaradılan "Kerinq" qrupu fransalı milyarder Fransua Pinoya məxsusdur. O, "Quççi", "İv Sen Loran" ("Yves Saint Laurent"), "Botteqa Veneta" ("Bottega Veneta"), "Balensiaqa" ("Balenciaga"), "Aleksandr Makkvin" ("Alexander McQueen") və başqaları da daxil olmaqla, əsasən moda dünyasından müxtəlif dəbdəbəli brendlərin sahibidir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.