Maraqlı

Duzun orqanizmə vurduğu 6 ziyan

20 Sentyabr 2022 23:01
Baxış: 480

Yeməyin dadını artırmaq üçün istifadə olunan duz həddindən artıq istehlak edildikdə bir çox sağlamlıq probleminin yaranmasına gətirib çıxarır.

Milli.Az axşam.az-a istinadən duzun yaratdığı xəstəlikləri təqdim edir.

1. Hipertoniya

Yüksək qan təzyiqi həddindən çox duz istehlakı ilə birbaşa əlaqəlidir. Bu da ürək çatışmazlığına, böyüməsinə və infarktlara gətirib çıxara bilər. Gündəlik tövsiyə olunan duz qəbulu təxminən 5 qram, bir çay qaşığıdır. Mənşəyindən asılı olmayaraq xörək duzu natrium xloriddir və onun çoxluğu ürək xəstəlikləri riskini artırır.

2. Böyrək xəstəlikləri

Həddindən artıq duz qəbulu kalsiumun bədəndən sidik vasitəsi ilə çıxarılmasını sürətləndirir. Orqanizmdə kalsium azaldıqda bağırsaqda onun istehlakı artır. Bu da öz növbəsində böyrək daşlarının yaranmasına yol açır. Duzun yüksək dozda qəbulu böyrəklərin daha çox işləməsini tələb edir ki, bu da onların ömrünü qısaldır.

3. İnsult riski

Gündəlik sidikdə natriumun miqdarı nə qədər çox olarsa, insult riski bir o qədər çoxdur deməkdir.

4. Piylənmə

Həddindən artıq duz istehlakı çəkinin artmasına gətirib çıxarır. Şəkərli qidalar qədər istehlak etdiyiniz duzlu qidalar da çəkiyə ciddi təsir edir.

5. Osteoporoz

Duz sümüklərdən kalsiumun xaric olunmasını, sümük strukturunun zəifləməsini, kövrəkliyinin artmasını sürətləndirir. Oturaq həyatın artması və duzlu "fast-food" istehlakı sümüyün gücünün azalmasına və zamanla qırılmasına gətirib çıxarır.

6. Ödəm

Həddindən artıq duz qəbulu davam edərsə, orqanizmdə duz yığılır. Hər bir duz molekulu 4 su molekulunu bağlayır və ürək çatışmazlığı, ödəm, ağciyər ödəmi kimi problemlər yaradır. Ödəm bir çox tibbi problemlərdən, həmçinin hərəkətsizlikdən, karbohidratlı qidalardan və həddindən artıq duz istehlakından qaynaqlanır. Hüceyrələrdə artıq mayenin yığılmasının qarşını almaq üçün duzu istehlakını azaltmaq lazımdır.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics