Maraqlı

Öddaşı xəstəliyinin kliniki şəkli

20 Sentyabr 2022 08:51
Baxış: 877
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Öddaşı xəstəliyində orqanizmdə fiziki-kimyəvi dəyişikliklər və xəstəliyin kliniki təzahürləri nəzərə çarpmır. Öd kisəsində olan daşlar çox vaxt digər xəstəliklərə qarşı yoxlamalar zamanı aşkarlanır. Bəzən isə öd kisəsində olan kiçik bir daş belə gərginlik yaradır və öz əlamətlərinin göstərir. Buna görə də öddaşı xəstəliyinin simptomları aşağıdakılardan asılı olur:
- daşların sayından
- daşların ölçüsündən
- daşların yerləşməsindən
- iltihabi prosesin aktivliyindən
- öd çıxarışı sistemin funksional vəziyyətindən.
Öd kisəsinin cismi və dibində yerləşən daşlar kisənin boynuna və kisə axacağına düşməyənə və iltihablaşmayana qədər klinik olaraq özülərini biruzə vermir. Daş öd axarına düşdükdə sancı tutmaları verir, iltihablaşdıqda isə xolesistit əlamətləri meydana çıxır.
Öddaşı xəstəliyi öz əlamətlərini yağlı, kəskin, ədviyyatlı, hisə verilmiş qidanın qəbulu, fiziki və emosional gərginlikdən sonra, infeksiya olduqda, əyilmiş vəziyyətdə durduqda biruzə verir. Bu zaman ağrı sağ qabırğaaltında əmələ gəlir, sağ kürək və kürəkaltı nahiyyəyə irradiasiya edir. Bəzən ağrılar atipik əlamətlərlə ortaya çıxır. Belə ki, bəzən xəstələrin bel və ürək nahiyyələrində ağrılar meydana çıxa bilir. Ağrı epiqastral nahiyyədə olduğu zaman meteorizm və dəyişkən nəcis ifrazı ola bilir. Öddaşı xəstəliyinin sancısı bəzən temperaturla müşahidə edilir. Bu adətən iltihab və intoksikasiya olduqda baş verir.
Öddaşı xəstəliyi zamanı obyektiv müayinədə qarının köpməsi, qarının ön divarının gərginləşməsi, öd kisəsi nahiyyəsinin ağrılı olması müşahidə edilir.
Diaqnozun qoyulmasında rentgenoqrafiyanın, USM-in nəticələri əsas götürülür.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.