Hadisə

Sumqayıtda QORXUNC OLAY: beton plitə yaşayış evinin üstünə düşüb - VİDEO

12 Oktyabr 2021 13:54
0 Şərh     Baxış: 942

Sumqayıtda beton plitə yaşayış evinin üstünə düşüb. Hadisə zavodlardan birinin ərazisində qeydə alınıb. Evə ciddi ziyan dəysə də, xəsarət alan olmayıb.
 
Milli.Az Xəzər TV-yə istinadən bildirir ki, Sumqayıtda beton plitə yaşayış evinin üstünə düşüb. Hadisə "Xəzri" yaşayış massivində, Kompressor zavodunun ərazisindəki evlərdən birində qeydə alınıb.

Zərərçəkmişlər bildirirlər ki, hadisə gecə saatlarında baş verib. Həmin vaxt onlar yatan vəziyyətdə olublar. Xoşbəxtlikdən ağır peton layı evin içinə düşməyib.

Sumqayıt Şəhər İcra Hakimiyyətinin 1 saylı ərazi üzrə icra nümayəndəliyindən bildirilib ki, sözügedən əraziyə artıq baxış keçirilib. "Fövqəladə Hallar Komissiyasının üzvləri gedib yerində baxıb, qiymət veriblər. Sakinlərə burada yaşamalarının təhlükəli olması barədə bildirişlər də paylanıb. Şəhər rəhbərliyi də həmin ailələrin yerləşdirilməsi ilə bağlı müvafiq tədbirlər həyata keçirəcək",- deyə nümayəndəlikdən bildirilib.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.