Hadisə

5 nəfərin öldüyü qəza ilə bağlı təfərrüat - Səbəb bəlli oldu

25 Avqust 2021 18:22
0 Şərh     Baxış: 3 776
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bu gün səhər saatlarında Quba-Xaçmaz yolunun Zərdabi kəndi ərazisindən keçən hissəsində baş vermiş qəzanın səbəbləri və qəzada ölənlərin şəxsiyyəti müəyyən olunub.

DİN-in mətbuat xidmətinin Quba regional qrupundan verilən məlumata görə, polis əməkdaşları tərəfindən aparılan ilkin araşdırmalara görə, Quba şəhər sakini Nəriman Süleymanovun idarə etdiyi "Mercedes" markalı avtomobil yüksək sürətlə hərəkətdə olarkən qarşısına çıxan iti vurub.

Sürücünün idarəetməni itirməsi səbəbindən avtomobil yol kənarındakı ağaca çırpılıb. Nəticədə maşında olan sürücü və sərnişinlər - Quba şəhər sakini Məmmədhəsən Əkbərov, Gəncə şəhəri Kəpəz rayon sakinləri Şəfa Qasımova, Kəmalə Cəfərova və Şəmkir rayon sakini Larisa Həsənova ölüb.

Faktla bağlı Quba RPŞ-nin İstintaq Bölməsində araşdırma aparılır.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.