Hadisə

Həyətindəki məclisə 50-dən çox qonaq çağıran toy sahibi cərimələndi

22 İyul 2021 15:16
1 Şərh     Baxış: 533

Ucar Rayon Polis Şöbəsinin əməkdaşları tərəfindən karantin rejimi qaydalarının təmin edilməsi məqsədilə keçirilən tədbirlər zamanı rayon ərazisində yerləşən üç şadlıq sarayında pandemiya tələblərinin pozulduğu aşkarlanıb.

Daxili İşlər Nazirliyinin Mətbuat Xidmətinin Şirvan regional qrupundan Milli.Az-a verilən məlumata görə, tədbirlər zamanı "Xan", "Taleh" və "Aygün" şadlıq saraylarında keçirilən toy mərasimi ilə bağlı məlumatların "icaze.e-gov.az" portalında qeydiyyatdan keçirilməməsi və qonaqların müəyyən edilən say həddindən artıq olması aşkarlanıb.

Aşkarlanan qayda pozuntuları ilə bağlı həmin sarayların inzibatçıları və toy sahibləri barəsində qanunamüvafiq tədbirlər görülüb.

Keçirilən tədbirlər nəticəsində rayonun Qazyan və Alpı kəndlərində də eyni qayda pozuntuları aşkarlanıb.

Belə ki, Qazyan kənd sakini Sabir Ələkbərovun və Alpı kənd sakini Murad Fəxrətovun təyin olunmuş qaydaları pozaraq evinin həyətində 50 nəfərdən çox şəxsin iştirakı ilə toy məclisi keçirdiyi müəyyən olunub.

Aşkarlanan qayda pozuntusu ilə bağlı ev sahibi və məclisdə iştirak edən profilaktiki söhbətlər aparılıb və barələrində qanunamüvafiq tədbir görülüb.

Milli.Az

Şərh yaz:

1 Şərh:

  • Anonim
    ### · 22 İyul 15:3300

    Yazanda da deyirlər satqınlıq edirsən.Yaziqlarin imkanı olsaydı həyətində etməzdi da toyu, gedib təm - yaraqlı şadlıq evlərində edərdi.Cərimə edirsiniz lap yaxşı.Bu cərimə hamıya aid olsun da.Kimin imkanı var, hamıya görüm baxım edir, toyun da edir.Nə qədər adam çağırır.Gedin onları cərimələyin da.Goycay mərkəzində yox, kənar şadlıq evlərinin hamısında hər gün toy.Nə qədər adam.Hec bir qaydaya da əməl olunmur.Guya onu görən yoxdu, onları niyə cərimə etmirlər.? Yoxsa kimsə həyətində balaca məclis edir, gedib onu cərimələyirlər.Haqsizliqdi.Qanun hamıya aiddi.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.