Hadisə

Son 2 gün ərzində ölkədə cinayətkar kimi 72 nəfər saxlanılıb

5 Aprel 2021 10:44
Baxış: 314

Daxili İşlər Nazirliyi (DİN) aprelin 3-ü və 4-də qeydə alınmış cinayət hadisələri haqqında statistik məlumatları açıqlayıb.

DİN-in mətbuat xidmətindən Milli.Az-a bildiriblər ki, respublikanın daxili işlər orqanları iki gün ərzində törədilmiş 56 cinayətin üstünü "isti izlər"lə açıblar.

Əvvəlki dövrlərdən bağlı qalmış 14 cinayətin açılması təmin olunub.

Axtarışda olduğuna görə ümumilikdə 24 nəfər, o cümlədən borclu şəxs qismində axtarılan 17 nəfər saxlanılaraq aidiyyəti üzrə təhvil verilib.

İki gün ərzində narkotiklə əlaqəli 32 fakt, qanunsuz silah saxlamaqla bağlı 2 fakt müəyyənləşdirilib, cinayət törətməkdə şübhəli bilinən 72 nəfər saxlanılıb.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.