Hadisə

İranla sərhəddə atışma: Azərbaycan hərbçisi yaralandı

28 İyul 2019 11:08
10 Şərh     Baxış: 3 688

2019-cu ilin 27 iyul tarixində saat 22:45 radələrində Dövlət Sərhəd Xid­mətinin Sərhəd Qoşunlarının "Horadiz" sərhəd dəstəsinin Füzuli rayonunun Əhmədalılar kəndinin yaxınlığındakı sərhəd zastavasının xidməti ərazisində dövlət sərhədini pozmaqla ölkə ərazisinə qaçaqmalçılıq yolu ilə külli miqdarda narkotik vasitənin gətirilməsinə cəhd edilib.

DSX-dən Milli.Az-a verilən məlumata görə, sərhəd naryadı tərəfindən İran İslam Respublikasından Azərbaycan Res­publikası istiqamətində silahlı şəxslərin hərəkəti aşkar olunub və qarşısı alınıb.

Azərbaycan Respublikasının dövlət sərhədinin mühafizəsində olan sərhəd naryadının qanuni tələbinə və xəbərdarlıq atəşinə tabe olmayan sərhəd pozu­cuları tərəfindən sərhəd naryadına qarşı silah tətbiq edilib.

Baş vermiş atışma zamanı sərhəd naryadının üzvü çiyin nahiyəsindən ya­ra­lanıb. Sərhədçi əsgər dərhal hərbi hospitala təxliyə edilərək əməliyyat olunub, hazırda vəziyyəti qənaətbəxşdir.

Dövlət sərhədindən narkotik vasitə keçirməyə müvəffəq ola bilməyən sər­həd pozucuları geri qaçıblar. Ərazidə keçirilmiş axtarış tədbirləri nəticəsində ümumi çəkisi 5 kq 350 qram olan 1 ədəd bağlamada 2 kq 70 qram marixuana, 2 kq 180 qram kokos, 885 qram heroin, 215 qram tiryək aşkar olunub.

Hadisə ilə əlaqədar Dövlət Sərhəd Xidmətinin rəhbər vəzifəli şəxsləri əra­zi­yə ezam ediliblər. İran İslam Respublikasının sərhəd nümayəndəsi ilə gö­rüş keçirilib, hadisə yerinə birgə baxış keçirilib, aşkar olunmuş narkotik vasitələr və digər əşyalar təqdim olunub, sərhəd pozucularının müəyyən edi­lərək ci­na­yət məsuliyyətinə cəlb olunmaları tələb edilib.

Hərbi prokurorluq ilə birlikdə hadisə ilə əlaqədar zəruri tədbirlər görülür. Fakt üzrə cinayət işi başlanılıb.

Milli.Az

loading...

Şərh yaz:

10 Şərh:

  • Anonim
    . · 28 İyul 11:3911

    Iranla serhedde arisma ?

    Cavab yaz
  • Anonim
    Goo · 28 İyul 13:5060

    Belelerin vurub oldursunler de.Neye lazimdi bele parazitler,narkotike gore adam oldurmeye hazir killerler

    Cavab yaz
  • Anonim
    elvo · 28 İyul 14:5834

    İranıları qoymayın Azərbaycana gəlməyi.onlar ölkəmizi zəhərləndirmək istəyirlər.onlar ölkəmizə narkotik gətirmək istəyirlərğ.

    Cavab yaz
  • Anonim
    elvo · 28 İyul 14:5823

    İranıları qoymayın Azərbaycana gəlməyi.onlar ölkəmizi zəhərləndirmək istəyirlər.onlar ölkəmizə narkotik gətirmək istəyirlər

    Cavab yaz
  • Anonim
    elvo · 28 İyul 14:5924

    İranılar eləbir ermənidir

    Cavab yaz
    • Anonim
      Mahir · 28 İyul 15:2611

      Men Dunenden Elvonun payini verek kampaniyasina qosulmusam.

      Cavab yaz
  • Anonim
    A · 28 İyul 15:3660

    Allah bəlasını vermişlər.Bunlardan biri elə iranla sərhəddə olan canım qardaşımı vurdular.Qardaşım 16 gün idi ki rütbə sevincini yazışırdı

    Cavab yaz
  • Anonim
    A · 28 İyul 15:3850

    Canım qardaşım. Mənim ata əvəzim idi.Mənə atalıq edən o idi.Allah bəlasını vermişlər .hələdə öz istədiklərin edirlər

    Cavab yaz
  • Anonim
    B · 28 İyul 19:0560

    Başqasınin serhedinden. kecmek isteyir meqsedine göre esğerimize ateş acir Allah qorusun serhedcilerimizi, duşmenin ğullesi sizden yan kecsin Aminnnnn menimde balam 7aydır serhed xidmetindedir xetadan, belada n qorusun butun ballarimizi AMİNN

    Cavab yaz
  • Anonim
    Aze_Boy · 29 İyul 10:1510

    Allah Belalarini versin o narkotikleri olkeye kecirib gencleri zeherleyirler.Azerbaycan Genci ucaq olsun Narkotiklerden.Her yerde idmanla, elmle yukselek.Allah Esgerlerimizi Qorusun!

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.