Hadisə

İki VAZ toqquşdu, 1 nəfər öldü, 2 nəfər xəsarət aldı - FOTO

3 Sentyabr 2015 15:30

0 Şərh Baxış: 1 121

Bu gün günorta saatlarında Quba rayonunda yol-nəqliyyat hadisəsi baş verib. Milli.Az APA-ya istinadən xəbər verir ki, hadisə Quba-Xaçmaz yolunun 12-ci kilometrliyində, Zərdabi kəndi ərazisində keçən hissəsində qeyd alınıb. 1953-cü il təvəllüdlü Osmanov Zakir Nəcəf oğlunun idarə etdiyi "VAZ 21011" markalı nəqliyyat vasitəsilə Ziyəddin Qurbanovun idarə etdiyi "VAZ 21015" markalı maşın toqquşub.

Qəza nəticəsində xəsarət alan 3 nəfər müxtəlif dərəcəli bədən xəsarətləri ilə Quba Mərkəzi Rayon Xəstəxanasına yerləşdirilib. Həkimlərin səyinə baxmayaraq, ağır xəsarət alan Zakir Osmanov xəstəxanada dünyasını dəyişib.

Faktla bağlı Quba rayon Polis şöbəsində araşdırmalar davam etdirilir.

Milli.Az