Hadisə

Tovuzda yaşayış binasında yanğın - tüstüdən zəhərlənən var - (Foto)

9 Oktyabr 2026 21:01

Baxış: 269

VTB-də minimal faiz dərəcəsi ilə nağd kredit 9.9%-dən

#HADİSƏ

Tovuzda ikimərtəbəli yaşayış binasında yanğın baş verib, bir nəfər tüstüdən zəhərlənib.

Milli.Az APA-ya istinadən bildirir ki, hadisə rayonun Dondar Quşçu kəndində qeydə alınıb.

Belə ki, ikimərtəbəli yaşayış binasının birinci mərtəbəsində kənd sakini Kəmalə Qasımovaya məxsus, ümumi sahəsi 100 kvadratmetr olan mənzildə yanğın başlayıb.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin Tovuz Rayon Dövlət Yanğından Mühafizə Hissəsinin yanğınsöndürən avtomobilləri və şəxsi heyəti cəlb olunub.

Yanğın nəticəsində mənzilin 50 kvadratmetr sahəsi yanıb. Yanğınsöndürənlərin müdaxiləsi nəticəsində alov qısa müddətdə söndürülüb, binanın qalan hissəsi yanğından mühafizə edilib.

Hadisə zamanı ev sahibi Kəmalə Qasımova tüstüdən zəhərlənib. O, xəstəxanaya yerləşdirilib. Qadının vəziyyətinin kafi olduğu bildirilir.

Hadisə yerinə aidiyyəti qurumların əməkdaşları cəlb olunub.

Faktla bağlı araşdırma aparılır.

Müəllif: Ülkər Vəliyeva (Milli.Az redaktor)