Hadisə

İstanbulda erməni kişi qətlə yetirildi

11 Avqust 2026 13:30

Baxış: 435

VTB-də minimal faiz dərəcəsi ilə nağd kredit 9.9%-dən

İstanbulun Beyoğlu rayonunda polis yaşayış binasında 64 yaşlı Aqop (Hakob) Dəğirməncioğlunun meyitini aşkarlayıb.

Milli.Az globalinfo.az-a istinadən xəbər verir ki, bu barədə "Ermenihaber" məlumat yayıb.

45 yaşlı Mehmet Şərif Tayık qətl şübhəsi ilə saxlanılıb.

Məlumata görə, o, cinayəti törətdikdən sonra polisə zəng edib, Aqopun evindən pis qoxu gəldiyini bildirib.

Polis hadisə yerinə gəldikdən sonra Aqopun meyitini aşkarlayıb.

Araşdırma zamanı onun çoxsaylı bıçaq zərbələri ilə öldürüldüyü müəyyənləşib.

Tayık ifadəsində Aqopla aralarında kirayə ilə bağlı mübahisə olduğunu, ağır təhqirlərə məruz qaldığını və bundan sonra onu bıçaqladığını deyib.

Şübhəli məhkəmənin qərarı ilə həbs olunaraq cəzaçəkmə müəssisəsinə göndərilib.

Müəllif: Malik Məlikov (Milli.Az redaktor)

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ