Hadisə

Polis bir gündə 43 cinayətin üstünü açdı

28 İyul 2026 10:11

Baxış: 549

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL

Daxili İşlər Nazirliyi iyulun 27-də ölkə ərazisində qeydə alınan cinayət və hüquq-mühafizə tədbirləri ilə bağlı məlumat yayıb.

Nazirliyin Mətbuat Xidmətindən bildirilib ki, ötən sutka ərzində qeydə alınan 38 cinayətin, eləcə də əvvəlki dövrlərdən bağlı qalan 5 cinayətin açılması polis əməkdaşları tərəfindən təmin edilib.

Həmçinin axtarışda olan ümumilikdə 103 nəfər, o cümlədən borclu şəxs qismində axtarılan 74 nəfər saxlanılaraq aidiyyəti üzrə təhvil verilib.

Məlumata görə, narkotik vasitələrlə bağlı 10 fakt, qanunsuz saxlanılan silah-sursatın aşkarlanması və götürülməsi ilə əlaqədar isə 6 fakt müəyyən edilib.

Bundan başqa, cinayət törətməkdə şübhəli bilinən 35 nəfər polis əməkdaşları tərəfindən saxlanılıb.

Müəllif: Malik Məlikov (Milli.Az redaktor)