Hadisə

Amalın bacısı danışdı: "Qapıma gəlməyin"

6 İyul 2026 10:58

Baxış: 782

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #TİKTOK #YOL QƏZASI

Ölümlə nəticələnən yol qəzası törətməkdə və hadisə yerindən qaçmaqda təqsirli bilinən tiktoker İlduzə Hacıyevanın (Arzum) həbsi gündəmdən düşmür.

Milli.Az axşam.az-a istinadən bildirir ki, qəzada dünyasını dəyişən Amal Məlikovun bacısı Nara Amal ötən gecə Orxan Rasifoğlu ilə TokTok-da canlı yayıma girib.

Nara qarşı tərəflə barışıq haqda suallara "Qanunla hərəkət edirəm. Qapıma heç kim gəlməsin, xəstə anamı narahat etməsinlər. Xahiş edirəm... Apellyasiya şikayəti verəcəyəm, axıra kimi də gecəcəyəm. Haqqım var, qanunsuz heç nə etmirəm. Arzumla qərəzliyim yoxdur. Qanunla addım atıram" cavabını verərək, barışıq olmayacağını bildirib.

Qeyd edək ki, hadisə ötən ilin iyununda Mərdəkan qəsəbəsində baş verib. Gecə yarısı "Changan" markalı avtomobili idarə edən Arzum sola dönmə manevri edərkən arxadan gələn "Mercedes"lə yandan toqquşub. Nəticədə "Mercedes" idarəetmədən çıxaraq maneəyə çırpılıb və bir neçə dəfə aşıb. Qəza nəticəsində avtomobilin sürücüsü- 29 yaşlı Amal Məlikov hadisə yerində ölüb, həyat yoldaşı Sənubər Muradova isə ağır xəsarət alıb.

Açılan cinayət işinə əsasən, İ.Hacıyeva 5 il 2 ay müddətinə azadlıqdan məhrum edilib. Hökm elan edildikdən dərhal sonra o, məhkəmə zalında həbs olunaraq cəzasını çəkmək üçün ümumi rejimli cəzaçəkmə müəssisəsinə göndərilib.

Müəllif: Tural Hüseyn (Milli.Az redaktor)