Hadisə

"Asif Nəsirli Vətən müharibəsi zamanı fədakarlıqlar göstərib" - Kardioloq

8 May 2026 12:07

Baxış: 981

VTB-də minimal faiz dərəcəsi ilə nağd kredit 9.9%-dən

#HƏKİM

"Mənim üçün Asif Nəsirli Milli Qəhramandır".

Milli.Az xəbər verir ki, bu sözləri kardioloq Firdovsi İbrahimov deyib.

F.İbrahimov öldürülən həkim-radioloq Asif Nəsirlinin 44 günlük Vətən müharibəsi zamanı göstərdiyi fədakarlıqdan danışıb.

Kardioloqun sözlərinə görə, müharibənin ilk günlərində Asif Nəsirli özü ona zəng edərək cəbhə üçün faydalı olmaq istədiyini deyib. İxtisasına həmin anda ehtiyac olmasa da, o, könüllü şəkildə təcili yardım briqadalarına dəstək göstərib, əsgərlərin tibbi və gündəlik ehtiyaclarının qarşılanmasına yardım edib.

F.İbrahimov qeyd edib ki, müharibədən sonra da Asif Nəsirli YAŞAT Fondu vasitəsilə qazilərin həkimlərlə əlaqələndirilməsi istiqamətində fəal çalışıb.

Vurğulayıb ki, Asif Nəsirli partlayış zamanı daha çox insanın zərər görməsinin qarşısını almaq üçün özünü fəda edib. Kardioloq onu milli qəhrəman adlandırıb.

Kardiololoq sosial şəbəkələrdə hadisə ilə bağlı edilən bəzi paylaşımları da sərt tənqid edib və ölkənin dəyərli insanlarının qorunmasının hər kəsin borcu olduğunu bildirib.

Qeyd edək ki, aprelin 30-da onkoloji xəstə kimi qeydiyyatda olan 1988-ci il təvəllüdlü Əliyev Mübariz Sahib oğlu qanunsuz olaraq əldə edib saxlayaraq gəzdirdiyi partlayıcı vasitəni qeyd olunan müalicə müəssisəsinin Radiologiya şöbəsində partladıb. Baş vermiş partlayış nəticəsində Mübariz Əliyev aldığı xəsarətlərdən hadisə yerində ölüb, həkim-radioloq Asif Nəsirli isə ağır yaralanmışdı.

Mayın 5-də isə Asif Nəsirli müalicə olunduğu xəstəxanada vəfat edib.

Mina Mikayılova
Milli.Az