Hadisə

Bu il neçə saxta diplom aşkarlanıb?

16 Aprel 2026 14:02
Baxış: 807
VTB-də minimal faiz dərəcəsi ilə nağd kredit 9.9%-dən
#HADİSƏ

Bu ilin ilk 3 ayında xaricdə təhsil almış 10 nəfərin diplomunun saxta olduğu məlum olub.

Milli.Az Təhsildə Keyfiyyət Təminatı Agentliyinə istinadən xəbər verir ki, 2026-cı ilin ilk 3 ayında xaricdə təhsil alan şəxslərin diplomlarının tanınması üçün agentliyə 1305 müraciət daxil olub.

Müraciət edənlərdən 1050 nəfərin diplomu tanınıb, 255 nəfərin müraciətinə isə imtina cavabı verilib.

Məlumata görə, 10 nəfərin diplomu saxta olduğu üçün tanınmayıb. Həmçinin 2 müraciətə imtina səbəbi lisenziyası olmayan Bakı filialları ilə bağlı olub.

Ən çox müraciət Türkiyədə təhsil alan şəxslərdən gəlib. Belə ki, Türkiyədə təhsil almış 445 nəfər diplom tanınması üçün agentliyə müraciət edib. Daha sonra Rusiya (356 nəfər) və Ukrayna (203 nəfər) gəlir. Digər müraciətlər isə əsasən Avropa və digər ölkələrdə təhsil alan şəxslərə aiddir.

İxtisaslara görə isə ən çox müraciət hüquq sahəsi üzrə olub (135 nəfər). Bundan başqa, iqtisadiyyat (78 nəfər), maliyyə (69 nəfər), tibb (67 nəfər) və biznesin idarə edilməsi (63 nəfər) ixtisasları da üstünlük təşkil edib./Trend.Az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.