Hadisə

Tovuzda evdə YANĞIN

12 Aprel 2026 17:24

Baxış: 541

VTB-də minimal faiz dərəcəsi ilə nağd kredit 9.9%-dən

#YANĞIN

Tovuz rayonunun Aşağı Öysüzlü kəndi ərazisində vətəndaş Mərdan Əsədova məxsus evdə yanğın baş verib.

Milli.Az Teleqraf-a istinadla xəbər verir ki, ümumi sahəsi 220 kv.m olan ikimərtəbəli fərdi yaşayış evinin 80 kvadratmetrlik sahəsində dam örtüyü, yanar konstruksiyaları və içərisindəki əşyalar yanıb. Hadisə yerinə dərhal Fövqəladə Hallar Nazirliyinin (FHN) Tovuz rayon Dövlət Yanğından Mühafizə Hissəsinin texnikası və canlı qüvvəsi cəlb olunub.

Yanğınsöndürənlərin müdaxiləsi nəticəsində alov söndürülüb və yanğının ətraf ərazilərə keçməsinin qarşısı alınıb. Hadisə zamanı evdə köməksiz vəziyyətdə qalan ahıl kişi xilas edilərək təhlükəsiz əraziyə təxliyyə olunub.

Hazırda yanğının baş vermə səbəbləri hüquq-mühafizə orqanları tərəfindən araşdırılır.

Milli.Az