Kulinariya

Bişirdikdən sonra dərhal bunu etsəniz, dolmalar qaralmayacaq

11 Aprel 2026 20:00

Baxış: 5 906

VTB-də minimal faiz dərəcəsi ilə nağd kredit 9.9%-dən

#KULİNARİYA

Qaralmayan və rəngini qoruyan dolma bişirmək üçün bişirdikdən sonra qazanın qapağını dərhal açmamaq çox vacibdir. Dolmaların üzərinə yarpaq sərilməsi, onların birbaşa istiliyə məruz qalmasının qarşısını alaraq rənglərin canlı qalmasına kömək edir. Nəzarətli və vam odda bişirmək yarpaqların təbii quruluşunu qoruyur və qaralmanın qarşısını alır. Bişirdikdən sonra kifayət qədər dincəltmək isə həm dadın tam oturmasını təmin edir, həm də dolmaların rənginin sabit qalmasına kömək edir.

Milli.Az xəbər verir ki, bişirmə prosesi bitdikdən sonra daxildə yaranan buxar dolmaların balanslı şəkildə dincəlməsini təmin edir. Qapağı tez açsanız, ani temperatur dəyişikliyi yarpaqların qaralmasına səbəb ola bilər. Bu hal xüsusilə zeytun yağlı dolmalarda daha qabarıq görünür.

Bişirmə zamanı dolmaların üzərinə mütləq bir neçə ədəd yarpaq sərin. Bu təbəqə ən üstdəki dolmaların birbaşa istiliklə təmasını kəsir və qoruyucu örtük vəzifəsini yerinə yetirir.

Yüksək temperatur yarpaqların rəngini sürətlə tündləşdirir. Yavaş bişirmə üsulu həm dadı artırır, həm də yarpaqların təbii yaşıl rəngini qoruyur.

Ocağı söndürdükdən sonra dolmalar qapağı qapalı şəkildə ən az 20-30 dəqiqə dincəlməlidir. Bu müddətdə həm yarpaqların rəngi sabitləşir, həm də içlik özünü tutur.

Limon şirəsi yarpaqların rəngini daha canlı göstərir, zeytun yağı isə onlara iştahaaçan parlaqlıq qazandırır.

Lalə Qüdrətova
Milli.Az