Hadisə

Sahə rəisindən eskalatorun qırılmasına REAKSİYA: "Normal bir şeydir" - YENİLƏNİB

5 Dekabr 2025 01:10

Baxış: 2 182

VTB-də minimal faiz dərəcəsi ilə nağd kredit 9.9%-dən

#HADİSƏ

Bakıda İncəsənət Gimnaziyasının yaxınlığındakı yeraltı keçiddə qırılan eskalatorun ətrafı təhlükəsizlik səbəbi ilə lentlənib.

Ərazidə olan nəzarətçi isə baş verən faktı təsdiqləyib.

O, hadisə anını belə şərh edib:

"Çıxdığı yerdə qəfil dayandı. 3 nəfər idilər. Biz onlara kömək etdik".

Sahə rəisi də məsələyə münasibət bildirib:

"Orada elə bir hadisə baş verməyib. Sadəcə olaraq, eskalatorla qalxanda biri müvazinətini itirib yıxılıb. Normal bir şeydir. Hamı yıxılır", - deyə o vurğulayıb. (baku.tv)

-----------

Bakıda İncəsənət Gimnaziyasının yaxınlığında yeraltı keçiddə eskalator qırılıb.

Milli.Az oxu.az-a istinadən xəbər verir ki, hadisə nəticəsində bir neçə şəxs xəsarət alıb.

Xəsarət alanlar xəstəxanaya yerləşdiriliblər.

Məsələ ilə bağlı Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, bu gün saat 18 radələrində Respublika Təcili və Təxirəsalınmaz Tibbi Yardım Mərkəzinə Yasamal rayonu, M.Müşfiq küçəsi, İncəsənət Gimnaziyası yaxınlığından təcili çağırış daxil olub:

"Çağırış ünvanına təcili tibbi yardım briqadası cəlb olunub.

Təcili tibbi yardım briqadası tərəfindən 2 nəfər (qadın) Kliniki Tibbi Mərkəzə təxliyə olunub", - məlumatda qeyd olunub.

Milli.Az