Hadisə

Kiyevdə vurulmuş raketlərin qalıqları şəhərə düşüb, yaralılar var

13 Dekabr 2023 07:22
Baxış: 743
VTB-də minimal faiz dərəcəsi ilə nağd kredit 10.49%-dən

Rusiyanın Ukraynanın paytaxtı Kiyevə atdığı raketlərin havada zərərsizləşdirilməsindən sonra yaşayış ərazilərinə düşməsi nəticəsində 25 nəfər yaralanıb.

Milli.Az report-a istinadən xəbər verir ki, bu barədə şəhərin meri Vitali Kliçko teleqramda açıqlayıb.

Bildirilib ki, havada zərərsizləşdirilmiş raketlər yaşayış massivlərinə düşərək yanğına səbəb olublar. Şəhərin Dnipro rayonunda qalıqlar binanın fasadını zədələyib və yeddinci mərtəbədə yanğına səbəb olub. Sakinlər təxliyə olunub.

"Xeyli sayda zərərçəkmiş var. Zədələr əsasən partlayış dalğasından qırılmış pəncərə şüşələrinin kəsikləri ilə əlaqədardır", - Kiyev Şəhər Hərbi Administrasiyası bildirib.

Kliçkonun məlumatına görə, Dnipro rayonunda 25 nəfər yaralanıb. Onlardan 13-ü xəstəxanaya qaldırılıb, 12-nə yerindəcə yardım edilib. Həmçinin binanın həyətində dörd avtomobil yanıb. Eyni zamanda, yaxınlıqda uşaq bağçasına da zərər dəyib. Bundan başqa, raket qalıqları şəhərin digər rayonlarında da fəsadlara yol açsa da, dinc əhali arasında itki olmayıb.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.