Hadisə

Toy karvanında avtoxuliqanlıq edən sürücü həbs olundu - FOTO

24 Avqust 2023 18:15

Baxış: 1 132

#YOL POLİSİ #AVTOXULİQANLIQ

Göyçayda toy karvanında avtoxuliqanlıq edən sürücü inzibati həbs edilib.

Milli.Az Trend-ə istinadən bildirir ki, Daxili İşlər Nazirliyinin mətbuat xidmətinin Şəki regional qrupundan bildirilib.

Qeyd edilib ki, Göyçay Rayon Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbirlərlə toy karvanında avtoxuliqanlıq edən və digər hərəkət iştirakçılarına ciddi təhlükə yaradan sürücü saxlanılıb.

Vurğulanıb ki, rayon sakini Qəzənfər Əmirov idarə etdiyi "Lexus" markalı avtomobil ilə yol hərəkəti qaydalarını davamlı olaraq kobud şəkildə pozub və ictimai asayişin pozulmasına yönələn hərəkətlərə yol verib. Sonradan isə həmin görüntülər sosial şəbəkələrdə paylaşılıb.

Sürücü barəsində İnzibati Xətalar Məcəlləsinin müvafiq maddəsi ilə protokol tərtib edilərək baxılması üçün rayon məhkəməsinə göndərilib. Məhkəmənin də qərarı ilə Q.Əmirov sürücülük hüququ 1 il müddətinə məhdudlaşdırılmaqla 15 sutka inzibati qaydada həbs olunub.

Milli.Az