Hadisə

"Medera hospital"dan vəfat edən işçi ilə bağlı açıqlama - YENİLƏNİB

8 İyun 2023 20:02
Baxış: 8 017

20:02

Klinikanın mövzu ilə bağlı rəsmi açıqlamasını təqdim edirik: 

Medera hospitalın hüquqşunası Xeyransa Babayeva tərəfindən hospitalın işçisi mərhum Abbasova Aygünün ölümü ilə bağlı məlumat:

Mərhum bizim 10 illik əməkdaşımız olub, çox etibarli, aktiv, işini bilən işçi olub və hospitalın kollektivi tərəfindən çox sevilib. 

Mərhumun 05.06.2023 tarixində vəfatı ilə bağlı mətbuatda xoşagəlməz şayiələr yayılıb.

Nəzərinizə çatdırmaq istiyirik ki, hazırda mərhumun ölüm səbəbi  ilə bağlı ekspertizanın rəyini gözləyirik. Rəy gəldikdən sonra mətbuata tam şəkildə açıqlama veriləcək. 

Sadəcə biz mətbuatın bu yanlış açıqlaması ilə bağlı bəzi məqamlara diqqət yetirməsini istiyirik, çünki mövzu çox həssas mövzudur. 

Mərhum öz qərarı ilə əməliyyat olmaq istəyib, Medera hospitalın əməkdaşı olduğu üçün əməliyyatı tam təmənnasız həyata keçirilib.

Əməliyyat öncəsi müayinələrdən keçdikdən sonra əməliyyata qərar verib. Əməliyyatı fəsadsız keçib, əməliyyatdan sonra heç bir ağırlaşma olmayıb. Üç gün sonra evə yazılıb, lakin evində kiçik yaşlı uşağın olmasını əsas gətirərək 2 gün artıq qalmaq istədiyini bildirib. Əməliyyatın 6-cı günündə evdə dünyasını dəyişib. Təcili tibbi yardım işçiləri ölümün səbəbini trobemboliya qoyub.

Aygün Abbasovanin ölümü ilə bağlı əsaslandırılmamış, həqiqəti əks etdirməyən məlumatları yayan şəxslər və mətbuat orqanları barədə gələcəkdə məhkəməyə müraciət etməyimiz üçün əsas olacaqdır. Ona görə də sosial şəbəkələrdə həqiqətə uyğun olmayan məlumatlar yazarkən  və bu barədə fikir bildirərkən şəxslərin diqqətli olmasını xahiş edirik.

-------

14:26

Xəbər verdiyimi kimi, Bakıda "Medera" Hospitalda plastik əməliyyat etdirən qadın vəfat edib.

Milli.Az xəbər verir ki, axar.az sözügedən hadisə ilə əlaqədar bir sıra faktlar əldə edib.

Bildirilir ki, əməliyyatdan sonra vəfat edən Aygün adlı xanım "Medera" Hospitalda "Resepşn"da işləyirmiş.

O, bir neçə gün öncə elə həmin hospitalda çalışan plastik cərrah Günel Bayramlıya bədən şəkilləndimə əməliyyatı etdirib. Əməliyyatdan sonra xanım özünü narahat hiss etdiyini bildirsə də, həkim buna əhəmiyyət verməyib və xanımı evə buraxıb.

Evdə halı daha da pisləşən Aygün tromplaşmadan dünyasını dəyişib.

Xanım ailəli olub, bir qız övladı var.

Sözügedən məsələ ilə bağlı hospitaldan saytımıza bildirilib ki, Günel Bayramlı hazırda işinə davam edir. Digər suallarımızı isə xəstəxana cavabsız qoyub.

Milli.Az

Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics