Hadisə

4 tələbədən birinin nəşi tapıldı - YENİLƏNİB - VİDEO

14 Fevral 2023 22:06
Baxış: 5 643
VTB-də minimal faiz dərəcəsi ilə nağd kredit 10.49%-dən

Azərbaycan Xarici İşlər Nazirliyi də Şahin Verdiyevin həlak olmasını təsdiqləyib.

XİN-dən verilən məlumata görə, Malatya şəhərində aparılan axtarış tədbirləri nəticəsində 2021-ci il təvəllüdlü Azərbaycan  vətəndaşı Verdiyev Şahin Nail oğlunun vəfat etdiyi məlum olub. Bununla zəlzələ nəticəsində həlak olan Azərbaycan Respublikasının vətəndaşlarının sayı 6 nəfərə çatıb. 

20:41

Türkiyədə dağıntılar altında qalan 4 tələbədən birinin nəşi tapılıb.

Milli.Az İTV-yə istinadən xəbər verir ki, Şahin Verdiyevin təbii fəlakət nəticəsində ölməsi yaxınları tərəfindən təsdiqlənib.

Belə ki, Şahinin dayısı dağıntılar altından çıxarılan nəşin bacısı oğluna aid olduğunu bildirib.

Bundan başqa, dağıntılar altından Gündüz Nəzərzadənin əşyaları da tapılıb.

Qeyd edək ki, Şahindən əlavə, 9 gündür dağıntılar altında Samir Quliyev, Hümam İsmayıllı və Gündüz Nəzərzadənin də axtarışları aparılır.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.