Hadisə

İntihar edən vəkillə bağlı daha bir xəbər - avtoqəzaya görə həbs olunub, bəraət alıbmış...

6 Fevral 2023 07:19

Baxış: 1 693

VTB-də minimal faiz dərəcəsi ilə nağd kredit 10.49%-dən

#BƏDBƏXT HADİSƏ

Vəkillər Kollegiyasının üzvü Vüsal Mirzəyevin intiharı ilə bağlı Sumqayıt Prokurorluğunda araşdırma aparılır. Hadisə Sumqayıtda baş verib. Belə ki, vəkil özünü yaşadığı həyətdə qaz borusundan asıb.

Baş Prokurorluğun Mətbuat Xidmətindən APA-nın sorğusuna verilən cavabda bildirilib ki, Vüsal Mirzəyevin üzərindən məktub aşkarlanıb. O, əlyazmada ölümündə heç kəsi günahlandırmamasını qeyd edib.

Milli.Az musavat.com-a istinadən bildirir ki, vəkilin intiharında onun 2 il əvvəl törətdiyi yol qəzasından sonra sarsılmasının səbəb ola biləcəyi ehtimalı var. Belə ki, Vüsal Mirzəyev 2021-ci ilin mayında ölümlə nəticələnən yol qəzası törətməkdə təqsirləndirilib. Ona qarşı Cinayət Məcəlləsinin 263-1.3-cü maddəsi (Eyni əməllər ehtiyatsızlıqdan zərərçəkmiş şəxsin ölümünə səbəb olduqda) ittiham irəli sürülüb. Bakı Ağır Cinayətlər Məhkəməsi o zaman vəkili 5 il müddətinə azadlıqdan məhrum edib. Vüsal Mirzəyevin apellyasiya şikayətinə Sumqayıt Apellyasiya Məhkəməsində baxıb. Məhkəmə ona bəraət verilməsi barədə qərar çıxarıb.

Milli.Az